Бокстан Польшаның Кельце қаласында жастар арасында өтіп жатқан әлем біріншілігінде Қазақстанның қоржынына екінші алтын медаль түсті.
64 кило салмақта күш сынасқан Сабыржан Аққалықов украиналық Бозорбой Матякубовпен айқасты. Жарыстың басынан аяғына дейін бір деммен өткізген қазақ боксшысы қарсыласына адым аштырмады. Нәтижесінде төрешілердің барлығы да Аққалықовтың мықтылығын мойындады. Сөйтіп, Сабыржан әлем чемпионы атанды.