Спутник V вакциналау кестесіне өзгерістер енгізілді

Қоғамдық денсаулық сақтау ұлттық орталығының баспасөз қызметі хабарлағандай, бұл жағдайда осы вакцинаның бірінші және екінші компоненттерін енгізу аралығы 45 күн болуы керек. Егер 45-ші күні екінші ком­понентті вакциналау мүмкін болмаса (демалыс, мереке күндеріне сәйкес келу, басқа елді мекенге кету және т.б.) 90 күн ішінде вак­циналауға рұқсат етіледі.

Вакциналау кестесіне қатысты бұл ұстаным Ұлттық  эпидемиология және микробиология ғылыми орталығының директоры, профессор, РҒА, Гунзцбург академигі А.Гамалейдің 2021 жылғы 22 сәуірдегі мәлімдемесіне негізделген. Вакцинология қағи­далары көп дозалы алғашқы вак­ци­налау сериясындағы дозалар арасындағы алты апталық аралықты қолдайды. Сонымен қатар негізгі және қосымша до­за арасындағы ұзақ алшақтық В-жасушасының жадысының жетілуіне мүмкіндік береді, нәтижесінде жоғары және тұ­рақты реакция пайда болады.

Бір реттік дозадан кейін басқа көп дозалы вакциналар­ды қолдану тәжірибесі жасөспірім­дер мен ересектерде алты айға немесе одан да ұзаққа созылуы мүмкін екенін көрсетеді (мысалы, А гепатиті және адамның па­пиллома вирусына қарсы вакциналары).

Коронавирус инфекцияларына қарсы вакциналар бойынша ғылыми-зерттеулер жалғасуда. Тиімділік бойынша дәлелді базасы алынған жағдайда, қосымша ұсыныстар ұсынылатын болады.

Сонымен The Lancet ғылыми басылымында 2021 жылы 6 нау­рызда AstraZeneca COVID-19 вакцинасының Ұлыбритания, Бразилия және Оңтүстік Африка жүргізілген үш қарапайым соқыр рандомизацияланған бақы­лан­балы зерттеу нәтижесі негізінде дозалар арасындағы аралықты арттырған жағдайда тиімділігі туралы ақпарат жарияланды.

Зерттеу нәтижелеріне сәйкес  вак­цинаның тиімділігі, егер екін­ші вакцина 12 аптадан немесе одан кейін жасалса, вакцина 81,3% құрайды. Сонымен қатар вакцинаның тиімділігі, егер екі дозаның арасындағы аралық тек 14 күн болса,  66,7% құрайды. Әлемде коронавирус инфекциясына қарсы жаппай вакциналау жүргізгеннен бас­тап, бұл тәжірибе көптеген елде коронавирус инфекциясына қарсы басқа вакциналарға қатысты қолданылды. Бүгінде Ұлыбритания алынған ғылыми мәліметтеріне сүйене отырып, вакциналарға арналған ек­пе егу жоспарын өзгертті (Pfizer BioNTech/Оксфорд универ­ситетімен және AstraZeneca-мен бірлесіп). Егер бұрын вак­ци­наның екінші дозасын бі­рін­шісінен 21 күн өткен соң салу жоспарланған болса, қазір ара­лық мерзімі үш айға дейін созыл­ды. Францияда мРНҚ екпесі арасындағы (BioNTech/Pfizer және Moderna компаниясы) 2021 жылдың 14 сәуірінен бастап 4 аптаның орнына 6 аптаға дейін ұлғайтылды. Ресми деректерге сәйкес Ирландияның Денсаулық сақтау министрі жақын күндері Covid-19 вак­цинасының бірінші және екінші дозалары арасындағы аралықты төрт аптадан 12 аптаға дейін ұзартуды жоспарлап отыр. Ко­ронавирус инфекциясы­на қар­сы вакциналауды осы жыл­дың 25 ақпанында бастаған Ук­раинаның Денсаулық сақтау министрлігі CoviShield вакцинасымен екі екпесінің аралығын Ұлттық техникалық сарапшылар топтарының ұсыныстары бо­йынша 28 күннен 90 күнге дейін арттырды, бұл сонымен қатар 4-12 аптадан кейін екінші дозаны енгізуді көздейтін өндірушінің нұсқауларына қайшы келмейді.

Сонымен коронавирус инфекциясына қарсы вакциналардың тиімділігін зерделеу бойынша алынған ғылыми-зерттеу дерек­тері және әлемнің коронавирус инфекциясына қарсы вакци­налау тәжірибесі екі дозалы вак­цинаның алғашқы дозасы КВИ мен ауруханаға жатқызу оқи­ғаларының төмендеуіне оң әсер ететінін растайды. Сонымен бір­ге екінші дозаны кейінірек 45 күн­нен 90 күнге дейін жүр­гізу иммундық қорғаныстың ұзақ­тығын қамтамасыз етеді.