Бокстан ерлер арасындағы биылғы әлем біріншілігінің өтетін орны мен уақыты белгілі болды.
Халықаралық әуесқой бокс ассоциациясының (АИБА) таратқан ресми мәліметі бойынша, төрткүл дүниенің былғары қолғап шеберлері биыл Сербия астанасы – Белград шаршы алаңында бақ сынайды. Ал жекпе-жектер қазанның 26-сы мен қарашаның 6-сы аралығында өтеді. Әлем біріншілігі әдеттегідей 8 салмақ дәрежесінде ұйымдастырылады.
Осыдан екі жыл бұрын Ресейдің Екатеринбург қаласында өткізілген дүниежүзілік додада Қазақстан құрамасының боксшылары 1 алтын, 1 күміс және 4 қола медаль олжалап, жалпыкомандалық есепте үшінші орын алған еді.