Маусым айының соңына қарай Ұлытауда «Жошы хан» тарихи-мәдени кешені ашылады, деп хабарлайды Egemen.kz.
Мәдениет және спорт министрі Ақтоты Райымқұлова ел алдындағы есебі кезінде осылай деді.
«Киелі туризмді дамытуды ынталандыру және тарихи-мәдени нысандарға туристік қызығушылықты арттыру мақсатында маусым айының соңына қарай Қарағанды облысының Ұлытау ауданында «Жошы хан» тарихи-мәдени кешені ашылады», деді Ақтоты Райымқұлова.
Сондай-ақ министр шілде айында Шығыс Қазақстан облысында «Абай жолымен» атты ақпараттық тур өткізу жоспарланып отырғанын айтты.