Ақпарат және қоғамдық даму вице-министрі Болат Тлеповтің төрағалығымен ақпаратқа қол жеткізу мәселелері жөніндегі комиссияның кезекті отырысы өтті.
Отырыста министрліктің Қазақстан Республикасындағы ақпаратқа қол жеткізу саласының жай-күйі туралы жылдық есебінің жобасы таныстырылды. Мемлекет және қоғам коммуникацияларын дамыту департаментінің директоры Б.Рахимов өз баяндамасында есептің құрылымын баяндап, сондай-ақ Комиссия мүшелерін жобаны жария талқылау бойынша жүргізілген жұмыс туралы хабардар етті. Мемлекеттік органдар мен Комиссия мүшелерінен келіп түскен ескертулер мен ұсыныстар есепте ескерілгенін атап өту қажет.
Сондай-ақ, отырыста Комиссия мүшелері Б.Нұрғазиева, О.Диденко, Р.Ошақбаев сөз сөйледі. Комиссия мүшелері есептің мазмұны бойынша оң пікірлер айтты. Сонымен қатар О.Диденко комиссияға есепті іске асыру барысын мониторингтеу өкілеттіктерін беру туралы ұсыныс білдірді. Отырыс қорытындысы бойынша комиссия есеп мазмұнына бірқатар ұсынымдар әзірледі.