Қазақстандық Юлия Путинцева Парижде Ролан Гаррос турнирінің екінші айналымына шыға алмады, деп хабарлайды Egemen.kz ҚТФ баспасөз қызметіне сілтеме жасап.
Дүниежүзілік рейтингте 43-орында тұрған Ю.Путинцева алғашқы айналымда әлемнің 26-ракеткасы, Тунис өкілі Онс Жабермен кездесті. Бірінші партияда Жабер 7:5 есебімен басым түсті. Тунис теннисшісі екінші сетте тіпті бет қаратпады – 5:0.
Бұдан кейін қазақстандық спортшы қатарынан екі гейм алғанымен, Жабер матчты тағы бір брейкпен түйіндеді – 6:2. Бәсеке 1 сағат 19 минутқа созылды. Осылайша Франция ашық чемпионатында Қазақстаннан жекелей сында Елена Рыбакина мен Зарина Дияс қалды.