Экожүйенің цифрлы картасы

Кеңес барысында ШЫҰ ел­дері­нің табиғат қорғау ведом­ство­­ларының басшылары қор­шаған ортаны қорғау сала­сын­дағы ынтымақтастықтың жай-күйі мен даму перспективалары мәселелерін талқылады.

Министр өз баяндамасында 2020 жылы ШЫҰ саммиті барысында айтылған мемлекет басшыларының тапсырмаларын орындау қажеттігін атап өтіп, осы мақсатта ШЫҰ-ға мүше мем­­ле­кеттердің экологиялық про­бле­маларының реестрін әзір­леуді ұсынды.

Сондай-ақ М.Мырзағалиев Арал өңірінің экологиялық пробле­маларын кешенді шешу мәселелерін қозғап, ШЫҰ ел­дерінде климаттың өзге­руі, ерекше қорғалатын табиғи аумақ­тар­ды дамыту және биоәр­түр­лі­лікті сақ­тау мәселе­лері бо­йын­ша бірлес­кен шешім­дерді із­деу қажетті­гін атап өтті. Ми­нистр Арал теңізі­нің құр­ғауын фи­то­мелиорациялау жө­нін­дегі бағ­дарламаны, ШЫҰ-ға мүше мем­лекеттердің ерекше қор­ғалатын табиғи аумақтарды дамыту сала­сындағы ынтымақтастық бағ­дарламасын әзірлеу маңыз­ды екенін жеткізді.

Сондай-ақ ол қоршаған ортаны қор­ғау саласындағы жобаларды қар­жы­ландыруға және БҰҰ бағдар­ламаларының желісі бойынша халық­аралық донорлық көмекті тарту жұмыстарын жан­дан­­дыруға қатысты бірқатар бас­та­маларды атады. Жиында ШЫҰ шеңберінде табиғатты қор­ғау қыз­метінің тиімділігін артты­ру мақ­­сатында ШЫҰ-ға мүше мем­ле­­кет­тердің қоршаған ортаны қор­­­ғау саласындағы ынтымақтас­ты­­ғы туралы үкіметаралық келі­сім­д­і әзірлеу қажеттігі де айтылды.

Сонымен қатар қазақстандық тарап­тың бастамасы бойынша кеңес шең­берін­де ШЫҰ-ға мүше мемлекет­тердің қор­­ша­ған ортаны қорғау мәселелері жөнін­дегі бірлескен жұмыс тобы құрылды.

Кездесу қорытындысында тарап­тар 2022-2024 жылдар­ға арнал­ған ШЫҰ-ға мүше мемлекет­тер­дің қорша­ған ортаны қорғау са­ла­сын­дағы ын­тымақтастық тұ­жы­рым­дамасын мақұлдады.

«Егемен-ақпарат»