Жыл басынан бері Шығыс Қазақстан облысының өрт сөндірушілері 890 тонна шөпті сөндірді. Өрттың шығу себебі - отқа ұқыпсыз қарау және өрт қауіпсіздігі талаптарын сақтамау, деп хабарлайды Egemen.kz ШҚО ТЖД баспасөз қызметіне сілтеме жасап.
Тек соңғы екі аптаның ішінде Катонқарағай аймағында - 14 тонна, Жармада - 92 тонна, Үржарда - 12 тонна шөп жанып кеткен.
Алтай аймағында тасымалдау кезінде тіркемеде сақталған 1 тонна шөп өртенсе, Глубокое ауданында жеке үй аумағында 11 тонна шөп өртенді.
«Өрттердің себебі – отқа ұқыпсыз қарау және өрт қауіпсіздігі талаптарын сақтамау. ШҚО ТЖД өрт қауіпсіздігінің негізгі ережелерін еске сақтауды сұрайды», деп жазылған баспасөз хабарламасында.