Жұма күні АҚШ ауыл шаруашылығы министрлігі жабайы бұғылар арасында коронавирус жұқтырудың алғашқы жағдайлары туралы хабарлады, деп хабарлайды Egemen.kz ТАСС-қа сілтеме жасап.
Сайтта жарияланған мәлімдемеге сәйкес, бөлім мамандары Огайо штатындағы ақ құйрықты бұғылар коронавирус жұқтырғанын растады.
«Бұл SARS-CoV-2 вирусы анықталған әлемдегі алғашқы бұғы», делінген мәтінде.
Жүргізілген зерттеулердің нәтижелері бойынша, кейбір жабайы бұғылардың антиденелері бар екендігі белгілі болды.
Сарапшылар жұқтырған бұғы аурудың клиникалық белгілерін көрсетпейтінін айтады.
«Қолда бар ақпаратқа сәйкес, вирустың жануарлардан адамға берілу қаупі төмен деп саналады», деп атап өтті министрлік.