Мексиканың шығысындағы Веракрус штатында құдықтан 20 адамның мәйіті табылды, деп хабарлайды Egemen.kz Анадолы агенттігіне сілтеме жасап.
Жергілікті БАҚ-тың хабарлауынша, оқиға Омеалка муниципалитетінде болған.
Тұрғындар билікке көпқабатты үйге жақын орналасқан құдықты тексеруді талап еткен. Полицейлер тексеру барысында осындай сұмдыққа тап болған.
Мәйіттер прокурорлардың бақылауымен 30 метр тереңдіктен шығарылды. Адамдар өлімінің себебі анықталуда.