Қытай елдің солтүстік-батысындағы Цзюцюань спутник ұшыру орталығынан ғарышқа жаңа жер серігін ұшырды, деп хабарлайды Egemen.kz.
Jilin-1 Gaofen 02D жер серігін Kuaizhou-1A зымыран тасығышы ұшырып, жоспарланған орбитаға сәтті кірді.
Ұшу дүйсенбі күні Бейжің уақытымен 14:19-да болды. Бұл жолғы ұшыру – кіші спутниктерді орбитаға тез және арзан шығаруға арналған Kuaizhou сериялы зымыран тасығыштардың он бірінші миссиясы.
Jilin-1 жер серіктері – алыстан бейне таратуға арналған Қытайдың коммерциялық спутниктері. Спутник Chang Guang Satellite Technology Co компаниясында құрастырылған.