IBF және IBO тұжырымдары бойынша орта салмақтағы әлем чемпионы Геннадий Головкин WBA Super тұжырымы бойынша әлем чемпионы, жапониялық Риота Муратамен өтетін жекпе-жегі жайлы мәлімдеме жасады, деп хабарлайды Egemen.kz.
«Жапонияға үлкен драмалық шоуды ұсынатыныма қуаныштымын. Бұл елде бокс танымал спорт түріне жатады. Мурата – мықты чемпион. Бұл керемет бокс кеші болады. Екі чемпион белбеулерді бәске тігеміз. Бокс фанаттарына тамаша жекпе-жек ұсынамыз», деді Гена өз жазбасында.
Естеріңізге сала кетейік, Головкин-Мурата кездесуі ресми бүгін жарияланды. Жекпе-жек Токиодағы «Saitama Super Arena» кешенінде өтпек.