Бүгін, 18 қараша күні Венгрияның Дебрецен қаласында шорт-тректен әлем кубогінің үшінші кезеңі басталды, деп хабарлайды Egemen.kz Olympic.kz-ке сілтеме жасап.
Спортшылар 500, 1000, 1500 м (жекелей сайыс); 3000 м (әйелдер эстафетасы), 5000 м (ерлер эстафетасы мен аралас микс-командалық) қашықтықтар бойынша сынға түседі.
Жарысқа Қазақстан құрамасының спортшылары келесі құрамда қатысып жатыр:
Ерлер: Абзал Әжіғалиев, Еркебұлан Шамуханов, Әділ Ғалиахметов, Денис Никиша, Мерсаид Жақсыбаев, Нұртилек Қажығали.
Әйелдер: Ольга Тихонова, Мадина Жанбосынова, Алена Волковицкая, Яна Хан, Әлия Әмірғалиева, Әсел Тайшманова.
Айта кетерлігі, әлем кубогінің аталмыш кезеңі 21 қарашаға дейін жалғасады. Жарыстың бірінші күнінде іріктеу бәсекелері өтіп жатыр.