Еліміздегі болып жатқан тұрақсыздыққа себепкер болған жағдайлар баршамызға мәлім. Оның салдары халыққа оңайға соққан жоқ. Сондықтан елімізде төтенше жағдай жарияланды. Мемлекет басшысы еліміздің тұрақтылығы мен тыныштығын сақтау мақсатында тез арада шешім қабылдап, халыққа үндеу жариялады.
Халқымыз елдегі орын алған қиын жағдайда Мемлекет басшысына қолдау көрсетіп, арандатушылық, жаман үгіт-насихаттардан аулақ болса, ауызбіршілік пен тұтастығымыздың бекем болары анық.
«Болашақта мұндай оқиғалардың қайталануына жол бермеу керек», деп, Президент үндеуінде нақтылап айтып өтті.
Сол себепті Мемлекет басшысының халыққа жариялаған үндеуінің маңызы орасан зор.
Тарих қойнауына үңілсек халқымыздың басынан талай мәрте қиындықтар өткені бәріне аян. Сол қиын-қыстау кезеңдерден өткен қазақ халқы, бүгінгі таңдағы осындай келеңсіз жағдайларға тосқауыл қоя білетіні сөзсіз. Еліміздің тәуелсіздігін, тыныштығын сақтау ел азаматтарының борышы.
Жұмағали ЕРГЕШБАЕВ,
Білім беруді жаңғырту орталығының әдіскері