Ұлттық қауіпсіздік комитеті 15 қаңтар күні Семейде жасырын есірткі зертханасын ұйымдастырушы «А» есімді азаматты ұстады, деп хабарлайды Egemen.kz комитеттің баспасөз қызметіне сілтеме жасап.
Жедел-тергеу іс-шаралары барысында заңсыз айналымнан 5 кг «а-PVP» психотроптық заты, 50 кг синтетикалық есірткі жасауға арналған прекурсорлар және зертханалық жабдық алынды.
Аталған факт бойынша сотқа дейінгі тергеп-тексеру жүргізіліп жатыр.