Швеция спортшысы Александр Густафссон келесі жекпе-жегін мамыр айында өткізеді. Ол 40 жастағы жекпе-жек әлемінің ардагері Бен Ротвеллге қарсы октагонға шығады, деп хабарлайды Egemen.kz.
21-мамырға жоспарланған UFC Fight Night турнирі аясында кезекті жекпе-жегін өткізетін Александр Густафссон 2020 жылдан кейін алғаш рет сегіз бұрышқа шықпақ. Ауыр салмаққа ауысқаннан кейін Фабрисиу Вердумға есе жіберген ол бір жарым жылдан астам уақыт бойы жекпе-жек өткізбеген еді. Ал 40 жастағы Ротвелл соңғы шайқасында Маркос Рожерио де Лимадан бірінші раундта нокаутпен ұтылған болатын.