Футболдан Қазақстан ұлттық құрамасының бас бапкері Талғат Байсуфинов алдағы оқу-жаттығу жиынына және ақпан айының 13-і күні өтетін жолдастық матчқа шақыртылған ойыншылар тізімін жариялады.
Бас бапкер Түркиядағы жылдың алғашқы жиынына 36 футболшыны шақырған. Дегенмен бұл тізім ресми матчтар алдында 24-26 ойыншыға дейін қысқаратыны белгілі. Әзірше, жаттығуға шақырылғандар тізімі мынадай: Қақпашылар: Игорь Шацкий, Стас Покатилов, Мұхамеджан Сейсен, Бекхан Шайзада.
Қорғаушылар: Әлібек Қасым, Юрий Логвиненко, Дмитрий Шомко, Темірлан Ерланов, Мақсат Тәйкенов, Әділбек Жұмаханов, Сұлтанбек Астанов, Сағадат Тұрсынбай, Дінмұхамед Қашкен, Бағдат Қайыров, Сергей Малый, Александр Марочкин, Еркін Тапалов, Нұрлан Дайыров, Ескендір Қыбырай.
Жартылай қорғаушылар: Асхат Тағыберген, Арман Кеңесов, Максим Самородов, Аслан Дарабаев, Исламбек Қуат, Эльхан Астанов, Серікжан Мужиков, Владислав Васильев, Самат Жарынбетов, Рамазан Оразов, Бауыржан Байтана, Еркебұлан Тұңғышбаев.
Шабуылшылар: Абат Айымбетов, Оралхан Өміртаев, Артур Шушеначев, Айбар Жақсылықов, Станислав Басманов.