Халықаралық Олимпиада комитеті 2028 жылғы Лос-Анджелес Олимпиадасының алдын ала бағдарламасына 28 спорт түрін енгізді.
Былтыр Токиода тұсауы кесілген скейтбординг, серфинг, спорттық шыңға өрмелеу жарыстары Лос-Анджелесте де өтетін болды. Ал бокс, ауыр атлетика және қазіргі бессайысқа байланысты нақты шешім қабылданған жоқ. Халықаралық федерациялар олимпиадалық бағдарламадағы орнын сақтап қалу үшін реформаларды аяқтаулары қажет.
2023 жылы ұйымдастыру комитеті Лос-Анджелестегі Олимпиада бағдарламасына енетін қосымша спорт түрлерін ұсынуы мүмкін. Ойын бағдарламасына қатысты соңғы шешім 2024 жылдың желтоқсанында қабылданады.