Болгария астанасы София қаласында өтіп жатқан Странджа кубогы турнирінде қазақстандық боксшылар ойдағыдай нәтижелерімен қуантып жатыр, деп хабарлайды Egemen.kz.
54 килограмм салмақ дәрежесінде бақ сынаған Дина Жоламан байрақты бәсекенің күміс жүлдегері атанды. Финалға дейінгі қарсыластарынан айласын асырып келген ол соңғы жекпе-жекте шаршы алаң қожайыны Станимира Петроваға қарсы рингке көтерілді. Жекпе-жек қорытындысында болгариялық боксшы жеңімпаз атанып, отандасымыз күміс жүлдеге қол жеткізді.