Германияның Котбус қаласында спорттық гимнастикадан Әлем кубогының іріктеу кезеңі өтіп жатыр. Оның нәтижелері бойынша жерлестеріміз алда тұр.
Гимнастикалық ат снарядындағы іріктеу қорытындысы бойынша Нариман Курбанов бірінші орында келеді. Ол 15,266 ұпай жинаған. Еркін жаттығуда Милад Карими үшінші орында тұр. Ол 13,600 ұпай жинап, финалға жолдама алды. Сондай-ақ Милад қол тіреп секіруден іріктеу нәтижесі бойынша алтыншы сатыға жайғасты.
Карими тағы бір жаттығу бойынша да финалда бақ сынайтын болды. Гимнастикалық керме жаттығуындағы іріктеу қорытындысында қазақстандық спортшы 14,466 ұпаймен екінші орынға табан тіреді.