Грекия астанасы Афины қаласында жанармай бағасының қымбаттағанына көңілі толмайтын ел тұрғындары наразылықтарын білдіріп, көшеге шықты, деп хабарлайды Egemen.kz «Хабар 24»-ке сілтеме жасап.
Билікке талабын жеткізуге тырысқандардың басым көпшілігі - шаруа халық. Олар көптеген шаруа қожалықтарының шығынға ұшырағанын ашына жеткізді. Сондай-ақ олар салықтың сомасын төмендетіп, бөлінетін субсидияны көбейтуді талап етті. Сонымен қатар шерушілер тыңайтқыш бағасының да шамадан тыс қымбаттап кеткенін алға тартты.