Молдовалық «Шериф» командасының қатарына жаңадан қосылған қазақстандық футболшы Данил Анкудинов Молдова чемпионатының 21 турында өткен «Шериф» пен «Сфынтул Георге» арасындағы ойында нәтижелі ойынымен көзге түсті, деп хабарлайды Egemen.kz sports.kz-ке сілтеме жасап.
Аталмыш кездесуде «Шериф» футбол клубы қарсыластарын 3:0 есебімен ойсырата ұтып, жеңісті сериясын жалғастырды. Ал Данил Анкудинов кездесудің сексенінші минутында «Шерифтің» бразилиялық шабуылшысы Бруноның гол соғуына жағдай жасап, нәтижелі паспен көзге түсті.