Қарашығанақ: Әріптестік пен даму – басты басымдық

Өмір сүру сапасын жақсартуға бағытталған әлеуметтік және инфрақұрылымдық жобаларды іске асыру Өнімді бөлу туралы түпкілікті келісімде бекітілген міндеттемелерге енгізілген. ҚПО 1998 жылдан бері Орал өңірінің әлеуметтік дамуына елеулі үлес қосып келеді. Нақты нені, қашан және қайда салу керектігі облыс басшылығымен бірлесіп, Батыс Қазақстан облыстық мәсли­хатының бекітуімен шешіледі. Бұл бізге ең сұранысқа ие жобаларды бірлесіп таңдауға мүмкіндік береді. Яғни сұраныс ұсынысты тудырады.

Өзекті бағыттағы бұл жұ­мыс­тар биыл да жүргізілуде. Орал – еліміздің «батыс қақпа­сы» екенін жұртшылық мойын­да­ған. Сондықтан өңір үшін көлік-логистиканы дамыту ерек­­ше маңызға ие. Дәл осы ұс­­та­ным­дарға орай «Орал» халық­­ара­лық әуежайын қайта жаң­ғыр­ту мәселесі қаралды. Өткен ғасырдың жетпісінші жылдары салынған ғимарат барлық жағы­нан ескірген. Сонымен қатар 2014-2015 жылдары ұшу-қону жолағы барлық үлгідегі зама­науи ұшақтарды қабылдау үшін қайта жаңғыртылды. Әуежай тер­ми­налын қайта құру – кешен­ді жобаның жалғасы. Оған қара­жатты құрылыс-монтаж жұмыстарына тапсырыс беруші «Қара­шығанақ Петролеум Опе­рей­тинг Б.В.» компаниясы бөл­ді. Ғимараттың ауданы ұл­ғайып, терминалдың өзі за­ма­науи дизайнда жасалды. Тех­­никалық жаб­дықтар халық­аралық стан­дарттарға сай. Авиа­ция­лық қауіп­­сіздік мәселелеріне көп кө­ңіл бөлінеді. Сондай-ақ кеден­дік, шекаралық, санитар­лық-ка­ран­тиндік қызметтер, ақпарат­тық орталық пен медициналық пункт, ішкі және халықаралық рейстерге арналған жеке залдар бар. Қазір нысан пайдалануға беру­ге дайын деуге болады. Жаңа әуе­жай­дың өткізу қабілеті саға­ты­на 200 жолаушыға есептелген, ал әуе тасымалының жылдық көле­мі 400 мың жолаушыны құрайды.

ҚПО-ның көлік-логистика саласына тікелей қатысы бар тағы бір ірі әлеуметтік нысан – Орал қаласының жаңа Ақжайық шағын ауданына Шаған өзені ар­қы­лы өтетін көпірі бар жол­дың құрылысы. Бұған дейін ком­панияның тапсырысы бойынша облыс орталығындағы темір жол арқылы өтетін көпір құрылысы мен Орал қаласы маңындағы «Деркул» шағын ауданымен байланыстыратын көпір қайта жаңғыртылып үлгерілген болатын. Яғни ҚПО-ның көпірлер­ді қайта қалпына келтіру және са­лу тәжірибесі бар, бұл, әрине, жа­ңа стратегиялық маңызды ны­сан­ның құрылысына пайдасын тигізеді.

Жалпы білім беретін мектеп­тер­дің құрылысы туралы да осы­ны айтуға болады. Білім беру ны­сандары да – әлеуметтік әріп­тестік бағдарламасының негіз­гі басымдықтары. Компания об­лыс аумағында бірқатар ша­ғын жинақты мектептердің құ­ры­лысына атсалыспақ. Яғни шет аумақтарда балаларды оқытуға сапалы әрі қолайлы жағ­дай жасалады. ҚПО компания­сы салған мектептерде сапалы білім алуға және бос уақытты өткізуге барлық жағдай жасалғаны іс жүзінде дәлелденді. «Парыз» бизнестің әлеуметтік жауапкершілігі байқауында компания «Үздік әлеуметтік жоба» номинациясында күміс жүлдемен марапатталды. Оралда салынған мектеп осындай жоғары бағаға ие болды.

Ауруды емдеуден гөрі алдын алу оңай екені белгілі. Сон­дықтан ҚПО әлеуметтік жос­парында спорттық-сауықтыру кешендерін (ССК) салуға үлкен көңіл бөледі. Оралда, облыстың барлық ауданында спорттық-сауықтыру кешендерін құру міндеті алға қойыл­ды. Бұл ауқымды да жауап­ты іске қарашығанақтық инвес­торлар белсене қатысуда. Қазіргі таңда Батыс Қазақстан облысының әр ауданында – осындай 6 ны­сан­ның, ал Орал қаласында бір балалар мен жасөспірімдер спорт мектебінің құрылысы аяқ­тал­ды. Бұл бағыттағы жұмыс­тар жалғасуда. Спорт ғимарат­тары­ның барлығында командалық спорт түрлеріне арналған залдан басқа, тренажерларда жаттығулар жасауға, спорттың күшті түрлері бойынша жаттығулар жасауға арналған бөлмелер, ал спорттық-сауықтыру орталықтарында турникеттер мен жүгіру жолдары бар ойын алаңдары болады.

ҚПО баспанамен қамтамасыз ету сияқты маңызды мәселені шешуден де шет қалмайды. Әлеу­меттік жобалар жоспарында Орал қаласында салынатын көп­қабатты тұрғын үйлердің құры­лы­сы бар. Серіктестік салынып жатқан шағын аудандарда  абаттандыру жұмыстарына да атсалысуда.

Көпшілігі облыста тіркелген әлеуметтік жобаларды жүзеге асы­руға тек қазақстандық құры­лыс компанияларының қатысуы ма­ңызды. Мердігерлерді таң­дау кезінде ҚПО жергілікті өндіру­шілерді қолдау және жергілікті қамтуды арттыру қағидаттарын ұстанады. Құрылыс компания­ларымен өзара түсіністік рухында дамып келе жатқан әріптес­тік байланыстар сақталады. Жоға­ры сапа міндетті болып та­былады. Ол жобалау про­це­сінде де, жұмыстарды өндіру­де де сақталуы керек. Қолданы­ла­тын материалдардың сапа­сы да бақыланады. Оның үстіне тағы да қазақстандық өнімдерге басымдық берілген. Ал құры­лысшылар ҚПО-мен ын­ты­мақ­тастықты нағыз шеберлік мек­тебі деп санайды. Мұнда тұтыну­шының бақылауы тұрақты түрде жүзеге асырылады. Оның өкілдері сәулет-техникалық қадағалау ұйымының мамандарымен бірге құрылыс алаңдарында жұмыс істейді, бұл барлық туындаған мәселелерді дер кезінде және жедел шешуге мүмкіндік береді.

Сапа параметрлері мен қауіп­сіздікке қатысты жоғары талап­тарды орындау үшін қосым­ша оқыту қажет. Нағыз шебер­лік та­биғи түрде бәсекеге қабілет­тілікті арттырады және қазақстан­­дық құрылысшыларға қиындық­сыз жұмыс істеуге мүмкіндік бере­ді. Сондықтан ҚПО-мен ын­ты­мақтастық өте беделді және перс­пективалы болып саналады.

«Қарашығанақ Петролеум Оперейтинг Б.В.» компаниясы Қазақстан Республикасының ең беделді марапаттарының бірі – бизнестің әлеуметтік жауап­кершілігі үшін берілетін «Парыз» сыйлығымен түрлі номинациялар бойынша бірнеше рет мара­пат­тал­ған. Ал өткен жылы алғаш рет байқаудың Гран-при иегері атан­ды, бұл – Қарашығанақ жобасына қатысушылардың жоғары жетістіктерін мойындау. ҚПО-ның облыстың әлеуметтік ин­фрақұрылымын дамытуға сал­ған инвестициясының жалпы сомасы 454 млн доллар­дан асады деп бағаланып отыр. Осы қаржыландыру аясы­нда Батыс Қазақстан облысы­ның бар­лық ауданында 220-ден астам әлеу­меттік және инфра­құ­­ры­лымдық жоба жүзеге асырылды.