Жүрек орталығындағы аутотрансфузия шеберлік сабағы

Аутотрансфузия (ATS) – пациентке хирургиялық араласу ке­зінде жиналған және сүзілген өз қанын құю әдісі. Бұл жүйе до­нор­­лық қанға қажеттілігін азайтады, пациентті қалпына келтіру уа­қытын және медициналық қыз­мет­терге арналған шығын­дар­ды қысқартады.

Шеберлік сабағының екі күні ішінде Жүрек орта­лығының қызметкерлері LivaNova ком­па­ниясының ауто­тран­сфу­зия­лық жүйесімен танысты. Оқу бағ­дар­­ламасына астаналық және Алматы, Шымкент, Тараз, Қара­ған­ды қалаларының меди­ци­­на­лық орталықтарының пер­фу­зио­­лог дәрігерлері, кардио­хирург­­тер мен анестезиологтер қатысты.

«Жасанды қан айналым аппа­ра­­тының көмегімен ашық жүрекке операция жасау кезінде қанды жиі құю қажет. Аутотрансфузия әдісі операциядан кейінгі инфек­ция­л­ардың, соның ішінде бүйрек жет­кіліксіздігі дамуының қау­­­пін азайтады. Бұл жүйе көп­те­­ген артықшылықты көрсетеді. Сондықтан оны одан әрі енгізу қан өнімдерін пайдаланудың дәстүрлі әдістеріне айтарлықтай әсер етуі мүмкін», деді. Жүрек орталығының қосымша қан айналымы зертханасы мен опе­ра­ция­лық бөлімшенің мең­ге­ру­шісі Рымбай Қалиев.

Қатысушылар бағдарламаның теориялық бөлімімен, ғылыми ма­қалаларымен және кардио­хи­рур­гия саласындағы аутотран­с­фу­зияның артықшылықтарымен танысты. Практикалық бөлімінде аппараттың жұмыс істеу прин­ци­пі таныстырылды, оның бары­сында қатысушылар өздерін қы­зық­тырған сұрақтарын қойды.

«Екі күн ішінде біз жүрек-өкпе хирургиясы саласындағы соңғы біліммен бөлісуге мүмкіндік ал­дық және кардиохирургтермен осы салада не жақсартуға болатыны туралы белсенді пікірталас өткіз­дік. Біз Қазақстанның түкпір-түк­пірінен келген көптеген пер­фуз­ио­логпен кездесіп, пайдалы тәжірибе алдық. Жүрек орталығына шеберлік саба­ғын ұйымдастырғаны және қонақ­жай­лылығы үшін алғыс айтамын», деп бө­лісті LivaNova компаниясының өкілі, клиникалық перфузиолог Youssef El Dsouki.