Алматы тауларында турист жоғалып кетті

Алматы қаласының құтқару қызметінің мәліметінше, 28 жастағы жігіт 17 шілде күні тауға шығып, жақындарымен әлі байланыспаған.   «Сағат 23:35-те ТЖД пультіне азамат Бөкеевтен 17 шілде күні кешке «Көкжайлау-Ағайынды үш» бағыты бойынша ағасы Данияр тауға кеткені және осы күнге дейін оралмағаны туралы қоңырау түсті», делінген хабарламада.

Белгілі болғандай, сағат 23:50-де Үлкен Алматы көлінің бақылау-құтқару пунктінен құтқарушылар бригадасы аталған жерге аттанды.