ҚР ҰҚК Шекара қызметі азаматтарға мемлекеттік шекара арқылы тыйым салынған заттарды тиісті рұқсат құжаттарынсыз тасымалдағаны үшін жауапкершілік көзделетіні туралы ескертеді, деп хабарлайды Egemen.kz.
Осы жылдың басынан бастап ҰҚК Шекара қызметі шекара арқылы алып өтуге әрекет жасаған кезде 170 бірліктен астам оқ-дәрі, 8 мыңнан астам суық қару мен электрошокер тәркілеп, аң аулауға арналған мылтық әкетудің екі фактісінің жолын кесті.
«Тек соңғы аптада тексеру іс-шаралары барысында шекаралық бақылау жүргізу кезінде 60 аңшылық және 6 травматикалық патрон, қолдан жасалған екі пышақ анықталды», делінген ведомство ақпаратында.
Барлық жағдайларда ұсталған адамдар мен көліктер процессуалдық шешімдер қабылдау үшін құзыреті бойынша ішкі істер органдарына берілді.