Әзербайжан мен Қазақстан үкіметтері жақын арада өзара сауда көлемін 1 миллиард долларға дейін арттыруы керек, деп есептейді Қазақстан Президенті Қасым-Жомарт Тоқаев.
«Соңғы жылдары тауар айналымының айтарлықтай, үш есеге жуық өскеніне қуаныштымын. Бірақ бұл, әрине, тоқмейілсуге негіз емес екенін атап өткім келеді, тауар айналымын арттыруға мүмкіндіктер бар деп есептеймін. Біздің елдердің үкіметтері жақын арада елдеріміз арасындағы тауар айналымын 1 миллиард долларға дейін ұлғайтуымыз үшін жұмыс істеуі керек», деді Тоқаев.