Доллардың теңгеге шаққандағы бағамы өсті, деп хабарлайды Egemen.kz Қазақстан қор биржасының (KASE) мәліметіне сілтеме жасап.
Күндізгі сауда-саттық нәтижесінде доллардың орташа сараланған бағамы 0,27 теңгеге көтеріліп, 472,63 теңге болды. Айта кетейік, Ұлттық банктің 3-5 қыркүйектегі ресми бағамы долларға 472,47 теңге.
Kurs.kz мәліметінше, дәл қазір Алматының ақша айырбастау орындарында долларды орташа сатып алу – 471,81 теңге, сату – 476,04 теңге. Нұр-Сұлтанның ақша айырбастау орындарында америкалық валюта орта есеппен 469,42 теңгеден сатып алынып, 473,47 теңгеден сатылуда.