Қостанай облысында жұмыс сапарымен жүрген Қасым-Жомарт Тоқаев Төтенше жағдайлар министріне кәсіби кадрлардың дайындығын арттыру керектігін айтты, деп хабарлайды Egemen.kz Президенттің баспасөз қызметіне сілтеме жасап.
«Мемлекет басшысы Төтенше жағдайлар министрі Юрий Ильиннің баяндамасын тыңдап, өртті толық әрі жылдам ауыздықтау үшін шұғыл әрекет ету штабына бірқатар тапсырма берді. Сондай-ақ ведомство қызметкерлерінің әлеуметтік мәселелерін шешіп, кәсіби кадрлардың дайындығын арттыру қажет екенін айтты», деп жазылған хабарламада.