Қазақстан Президенті Қасым-Жомарт Тоқаев сәрсенбі күні президенттік сайлауды 20 қарашаға белгіледі. Осы сайлауда ол жеңіске жетуі мүмкін, алайда оның қазіргі мерзімі қысқарады.
Мұнайға бай Орталық Азия елінде биыл өткен конституциялық реформа президенттік мандат мерзімін бес жылдан жеті жылға өзгерткеннен кейін Қ.Тоқаев екінші мерзімде ұзағырақ отырады.
Сарапшылардың пікірінше, мерзімінен бұрын сайлау өткізу жалпы бұрынғы кеңестік кеңістіктегі геосаяси тұрақсыздық жағдайында экономиканың әлсіреуі мен қоғамдық қолдауды жоғалту қаупін барынша азайтады. Сондай-ақ бұл бірқатар реформалардан өтіп, ең төменгі жалақының көтерілуін және басқа да әлеуметтік жеңілдік жариялағаннан кейін Қ.Тоқаевтың жаңа бастамаларына жол ашады.