Кеше Ақмола облысында жол апатынан мотоцикл жүргізушісі қаза тапты, деп хабарлайды Egemen.kz.
22 қыркүйек күні кешкі сағат 18:45 шамасында жол апаты болды. Бурабай ауданының полиция бөліміне «Астана – Петропавл» айналма жолында BMW S1000RR спорттық мотоциклінің жүргізушісі рөлге ие бола алмай, қисық арқалыққа соқтығысуға жол бергені туралы хабарлама келіп түсті. Апат салдарынан 41 жастағы мотоцикл жүргізушісі оқиға орнында көз жұмды.
Марқұмның Қарағанды қаласының тұрғыны екені және үйіне қайтып келе жатқаны анықталды.
Аталған факті ҚР Қылмыстық кодексінің 345-бабының үшінші бөлігі бойынша Сотқа дейінгі тергеп-тексерудің бірыңғай тізіліміне тіркеліп, тиісті сараптамалар тағайындалды.