Жастарға артылар жүк ауыр

Түркістан облысы Мақтаарал ауда­нында өткен іс-шараға Қазақстан халқы Ассамблеясы Төра­ғасының орынбасары – Қазақстан Респуб­ли­касы Президенті Әкімшілігі Қазақстан халқы Ассамблеясы Хатшылығының меңгерушісі Марат Әзілханов, Тәжік­тер­дің республикалық этно­мә­­дени ор­талығының төрағасы Акбаржан Исмаилов, этномәдени ор­та­лықтың бар­лық аймақтағы филиал төрағалары мен мүшелері қатысты.

Іс-шараның мақсаты – этнос­тар тығыз қоныстанған жерлерде жас­тар­дың әлеуметтік мәселесін шешу, мем­ле­кет­тік бағдарламаларды жү­зе­г­е асыру. Форумға қатысушылар эт­нос­тық тегіне қарамастан қазақ ж­е­рін­де туғандарын мақтан тұтатын­да­рын, Қа­зақ­станнан басқа Отаны жоқ екенін атап өтті.

Жастарға артылар жүк, олардан күтер нәтиже көп. Басқосуда достық, сыйластық, татулықты ны­ғай­ту бағы­тын­да тұщымды ойлар айтылды. Пре­зи­денттің Жолдауда басымдық берген бағыт­та­рын талқылады.

«Елдің ертеңі – жастар. Мемлекет бас­шысы студенттердің барлық мә­се­лесін Жолдауда назардан тыс қал­­дыр­мады. Жатақхана, оқу ақысы, оқу орындарына талаптың күшейетінін атап өтті. Мұның барлығы жастардың бо­ла­шағы үшін жасалып жатқан қа­дамдар. Бірлігіміз бекем болып, елдің дамуына жұдырықтай жұмылып атсалысайық», деді М.Әзілханов.

Форумда «Ассамблея жастары» республикалық қоғамдық бірлестігінің төрағасы Т.Жұмырбаев, М.Әуезов атындағы Оңтүстік Қазақстан мем­лекет­тік университетінің проректоры Р.Әбішева, «Тәжіктердің рес­пуб­ликалық этномәдени орталы­ғы» республикалық қоғамдық бір­лес­ті­гі Жастар қа­натының төрағасы Б.Хидиров сөз сөйлеп, жас­тар­ға моти­ва­циялық кеңестерін айтты. Озық ойлы, бәсекеге қабілетті болуы үшін жастардың сапалы білім алуы маңыз­ды­лығына тоқталды. Әрқайсысы өз тәжірибесімен бөлісті, жетістікке жетудің жолдарын көр­сетті.

«Біз – Көк Тудың астында берекелі бірлік пен тату тірлікті қалып­тас­тыр­ған, болашағы жарқын ха­лық­пыз. Осы сөзді жиі айтамыз. Меніңше, «қазақ еліне қарыздармыз, қинал­ған­да бір үзім нанын бөлісті», деген жаттанды ұран іспеттес. Ал­ғы­сымызды осындай келелі іспен дәлел­деп, бар­лығымыз атсалысып, бір­ліктің бекемдігін көр­сетейік», деді Тәжіктердің республикалық эт­но­мәдени орталығының төрағасы Акбаржан Исмаилов.

Алғаш рет ұйымдастырылған форумнан жастар айтарлықтай жігер алды, алдағы міндетті жұдырықтай жұмылып атқаруға уағдаласты.

Түркістан облысы