Ақтөбе облысында 52 жолаушысы бар автобус аударылып қалды. Жарақат алған 9 жолаушы Хромтау қаласының орталық ауруханасына жеткізілді, деп хабарлайды Egemen.kz
Оқиға бүгін Самара-Шымкент тас жолының Ақжар ауылының тұсында болды. «Сетра» жолаушылар көлігінің жүргізушісі көлікті сол жақ кюветке аударып алған.
Автобуста 52 жолаушы болған, олардың барлығы ауысымға бара жатқан күзет органдарының қызметкерлері еді.
Оқиға салдарынан түрлі дене жарақаттарымен 9 жолаушы Хромтау қаласының орталық ауруханасына жеткізілді.