Бас жүлде бұйырмады

Биыл бесінші рет ұйымдас­тырылған Азия біріншілігіне Қазақстанның екі ұжымы – «Алатау Арулары» және «Дос­тық», Өзбекстанның «Узбечка», Иранның «Фулад Мобараке», Үндістанның «Т.Спортс», Ку­вейттің «Әл-Курайн» және Корея­ның «Шугар Глидерс» командалары қатысты. Әу баста бұл додада Ирақтың «Занко» және елорданың «Нұр-Сұлтан» клубтары да өнер көрсетуі тиіс еді. Алайда екі ұжым да түрлі себеппен Азия чемпионатына қатысудан бас тартты.

Сөйтіп, жеті команда бір топта бақ сынап, бір-бірімен айналмалы жүйе бойынша бас жүлдені сарапқа салды. Жа­рыс қорытындысы бойынша алты матчтың барлығында қар­сыластарынан басым түскен Кореяның «Шугар Глидерс» клубы 12 ұпаймен Азия чемпионы атанды. Екінші орынды жарыс барысында тек кореялық клубқа ғана есе жіберген Алматының «Достығы» (10 ұпай) иеленсе, үшінші орынға тағы бір Қазақстанның командасы – «Ала­тау Арулары» (8) табан ті­реді. Олар – «Достық» пен «Шу­гар Глидерстен» жеңіліп қалды. Кейінгі орындарға «Уз­бечка», «Фулад Мобараке», «Әл-Курайн» және «Т.Спортс» клубтары жайғасты.

Гандболдан әйелдер ара­сындағы командалық Азия чем­пионаты осымен төртінші мәрте Қазақстанда өткізілді. Өз же­рімізде ұйымдастырылған үш біріншіліктің екеуінде «Қайсар» командасы жеңіске жеткен болса, кейінгі жылы «Алматы» клу­бы бас бәйгеге ие болған еді. Ал 2017 жылы Өзбекстанда өт­кен Сары құрлық бәсекесінде жергілікті АГМК командасының мерейі үстем болды. Жыл сайы­н жарысты қабылдаушы елдің командалары топ жаратын Азия чемпионатында биыл игі «дәс­түр» бұзылып, тұңғыш рет шет­тен келген елдің клубы оза шап­­ты.

Әр екі жыл сайын өткізіліп келген Азия чемпионаты жос­пар бойынша 2020 жылы ұйым­дастырылуы тиіс еді. Алай­да жарыс пандемияға байланыс­ты бір жылға кейін шегеріліп, 2021 жылы да жағдай онша тұ­рақталмаған соң тағы да бір жыл­ға қалдырылған болатын. Сөй­тіп биыл араға үш жыл салып чемпио­нат қайта жалғасын тапты.