Елордада Үнді мәдениетіндегі тарихи тұлға - Махатма Гандиге арналған ескерткіштің ашылу рәсімі өтті, деп хабарлайды Egemen.kz.
Атаулы шараға Үндістанның Сыртқы істер және мәдениет министрі Минакаши Лекхи ханым мен Қазақстанның Мәдениет және спорт министрінің орынбасары Серік Жарасбаев қатысты.
«Бұл екі мүсін де біздің ұлы халықтарымыз үшін ерекше. Дәл осы уақытта мүсіннің орнатылуы өте маңызды, өйткені Үндістан тәуелсіздігіне 75 жыл және Үндістан мен Қазақстан арасындағы дипломатиялық қатынастардың орнатылуына 30 жыл толып отыр. Қазақстан астанасындағы Махатма Гандидің мүсіні халықтар арасындағы тығыз байланысты одан әрі нығайтады», деді Минакаши Лекхи шара барысында.