Қазақстанда барлығы 256 қоғамдық кеңес бар. Бүгін Қасым-Жомарт Тоқаев осы қоғамдық кеңестердің жұмысын барынша күшейтуді тапсырды, деп хабарлайды Egemen.kz.
«Біз Президенттік басқару үлгісін ұстанамыз. Парламенттің рөлін арттыра түсеміз. Осы орайда, мен мына мәселеге ерекше назар аударғым келеді. Елімізде қоғамдық бақылауды барынша күшейту қажет. Бүгінде еліміз бойынша 256 қоғамдық кеңес бар. Былтыр «Қоғамдық кеңестер туралы» заңға өзгерістер енгізілді. Олардың құзыры едәуір кеңейді. Мен осы салаға азаматтық қоғам өкілдерін көптеп тартуды тапсырдым. Қазір олардың үлесі 86 пайызға жетті», деді Мемлекет басшысы.