Ұлттық банк базалық мөлшерлемені 16%-ға дейін көтеру туралы шешім шығарды, деп хабарлайды Egemen.kz.
«Қазақстан Республикасы Ұлттық Банкінің Ақша-кредит саясаты комитеті базалық мөлшерлемені +/– 1 п.т. пайыздық дәлізімен жылдық 16%-ға дейін көтеру туралы шешім қабылдады. Тиісінше, өтімділікті ұсыну жөніндегі тұрақты қолжетімді операциялар бойынша мөлшерлеме 17%, ал өтімділікті алу жөніндегі тұрақты қолжетімді операциялар бойынша мөлшерлеме – 15% болады», делінген хабарламада.
Айта кетейік, 2022 жылы Ұлттық банк базалық мөлшерлемені төрт рет көтерді. Алғашқысы қаңтар айында болды. Ол кезде ставка 10,25%-ға тең еді. Соңғы рет 25 шілдеде 14,5% көтерілді.