Жамбыл облысында пойыз бен жеңіл көлік соқтығысып, алты адам қаза тапты, деп хабарлайды Egemen.kz ІІМ-нің ресми интернет-ресурсына сілтеме жасап.
«1 қараша күні сағат 08.55-те Меркен ауданы, Қарасу ауылында теміржол өткелінде жолаушылар пойызы мен Audi автокөлігі соқтығысты. Апат салдарынан алты адам қаза тапты», делінген хабарламада.
ҚР Қылмыстық кодексінің 345-бабы 4-бөлігі бойынша сотқа дейінгі тергеу басталды. Бірқатар қажетті сараптамалар тағайындалды.