Ертең АҚШ-тың Солт-Лейк-Сити қаласында шорт-тректен Әлем кубогінің екінші кезеңі басталады. Юта штатындағы жарыста Қазақстанның ерлер және әйелдер құрамасы да бақ сынайды.
Атап айтқанда, ерлер бәсекесінде Абзал Әжіғалиев, Нұртілек Қажығали, Әділ Ғалиахметов, Денис Никиша, Еркебұлан Шамұханов және Антон Хван жүлделі орындарға талас жүргізсе, әйелдер құрамасынан Алина Әжіғалиева, Яна Хан, Малика Ермек, Алена Волковицкая, Анастасия Астраханцева және Ольга Тихонова өнер көрсетеді.
Айта кетейік, осыдан бірер күн бұрын Канаданың Монреаль қаласында мәресіне жеткен Әлем кубогінің алғашқы кезеңінде Қазақстанның ерлер құрамасы 5 шақырымдық эстафета жарысында күміс жүлдеге қол жеткізген болатын. Жігіттеріміз Канадада еншілеген күмісті АҚШ-та алтынға айналдырса деген тілегіміз бар