Футболдан УЕФА Еуропа лигасының плей-оффтағы өтпелі матчтарында қай командалардың өзара күш сынасатыны анықталды.
Бұл бәсекелер «Барселона» (Испания) мен «Манчестер Юнайтед» (Англия), «Ювентус» (Италия) пен «Нант» (Франция), «Спортинг» (Португалия) пен «Митьюлланд» (Дания), «Шахтер» (Украина) мен «Ренн» (Франция), «Аякс» (Нидерланд) пен «Унион» (Германия), «Байер» (Германия) мен «Монако» (Франция), «Севилья» (Испания) мен ПСВ (Нидерланд) және «Зальцбург» (Аустрия) мен «Рома» (Италия) клубтары арасында өтеді.
Алғашқы ойындарды келесі жылдың 16 ақпанында тамашаласақ, қарымта кездесулер 23 ақпанда өтеді. Ал Еуропа лигасының жеңімпазы 31 мамырда анықталады.