Қазақстандық боксшы Жайна Шекербекова Амманда (Иордания) өтіп жатқан Азия чемпионатында жартылай финалдық кездесуін өткізді, деп хабарлайды Egemen.kz.
Жартылай финалда 54 келіге дейінгі салмақта Шекербекованың қарсыласы Тайвандық Хуан Сяо Вен болды. Жекпе-жек төрешілердің шешімімен қазақстандық спортшының жеңісімен аяқталды. Осылайша, Шекербекова турнирдің финалына шығып, құрлық біріншілігінің алтын жүлдесін сарапқа салады.
Боксшы биылғы жылы Амманда өткен әлем чемпионатындағы жекпе-жекте жапондық Нарита Хананы жеңген еді.