Алматыда жаңадан салынып жатқан тұрғын үй кешенінен өрт шықты, деп хабарлайды Egemen.kz.
Желіде Алматыдағы Miracle тұрғын үй кешенінен өрт шыққаны туралы видео тарады.
Алматы қаласы Төтенше жағдайлар департаменті 10 қарашада сағат 14:57-де Бостандық ауданындағы Абай даңғылы – Қашқар көшесінің қиылысына өрт сөндіру бөлімшелері жіберілгенін хабарлады.
«Салынып жатқан тоғыз қабатты үйдің екінші қабатында өрт шыққаны анықталды. Өрт 15:07-де оқшауланып, 15:13-те жойылды. Құрбандар мен зардап шеккендер жоқ. Өрт аумағы 30 шаршы метрді құрады», деп нақтылады Алматы қаласы ТЖД баспасөз қызметі.