Өткен президент сайлауы осы жыл бойы нығая түскен қоғамдық шоғырлану тұрғысында елдің дамуы үшін зор маңызға ие. Маусым референдумында қазақстандықтардың 77 пайыздан астамының конституциялық реформаны мақұлдауы азаматтардың іс басындағы билікті қолдауын көрсетті.
Дауыс беру қорытындысында 80 пайыздан астам дауыс жинаған Қасым-Жомарт Тоқаевтың сенімді жеңісі биліктің жүзеге асырып жатқан, сонымен қатар болашаққа жоспарлап отырған іс-әрекетін азаматтардың қолдайтынының жарқын көрінісі. Осылайша, егер референдум қоғамның шоғырлануының жаңа деңгейге көтерілуін көрсетсе, президенттік сайлау азаматтық қоғамның нығаюына сапалы, тың мазмұнды сипат берді.
Сайлау бүгінде қоғам мен билікте ел дамуының келешегіне бірыңғай түсінік бар екендігін қуаттады. Жалпы, үлкен электоралды циклдің бірінші кезеңі сәтті аяқталды деуге болады. Келесі кезек – парламенттік және мәслихаттар сайлауы. Қорыта келгенде, қоғам биліктің шоғырлануын нығайтып, мемлекеттік институттардың тұрақты жүйесін қалыптастырып, еліміз әлемдегі құбылмалы күрделі кезеңде қажетті нық әрі тұрақты қор жинақтайды.
Ерлан ҚАРИН,
Мемлекеттік кеңесші