Әлем чемпионатының 1/8 финалдық ойыны аясында Португалия құрамасы Швейцарияны 6:1 есебімен тас-талқан етті, деп хабарлайды Egemen.kz.
Португалиялық футболшы Гонсалу Рамуш 17, 51, 67-минуттарда гол соғып, хет-трик жасады. Сондай-ақ Пепе (33), Рафаэль Геррейро (55) және Рафаэль Леао да (90+2) бір-бірден гол соқты.
Ал швейцариялықтар сапынан Мануэль Аканджи ғана көзге түсті. Ол ойынның 58-минутында еншісіне бір гол тіркеді.
Осылайша, Португалия жарыстың ширек финалына өтті. Енді олар ширек финалда Марокко құрамасымен кездеседі.