Кеше Сауд Арабиясының астанасы – Эр-Риядта таэквондодан Гран-при кезеңінің финалы басталды.
Спортты дамыту дирекциясының мәліметі бойынша, Париж Олимпиадасына жетелейтін рейтинг ұпайлары сарапқа салынатын турнирге әлемдік таэквондо жұлдыздары қатысып жатыр. Ал бұл аламанға Қазақстан құрамасының атынан екі спортшы барады. Олар – Токио Олимпиадасына қатысушылар Жансель Дениз (+67 кг) бен Смайыл Дүйсебай (+80 кг).
Жалпы, Олимпиада бағдарламасына кіретін 8 салмақта (4 ер, 4 әйел) 40 елдің 128 даянг шебері жылды қорытындыламақ. Гран-при жарысында ұпайдан бөлек, жеңімпаздар мен жүлдегерлер қаржылай сыйақыға ие болады.