Бұл күндері Канаданың Калгари қаласында конькимен жүгіруден Әлем кубогінің төртінші кезеңі өтіп жатыр. Жарыстың екінші күнінде қазақстандық Надежда Морозова 1500 метр қашықтықта мәре сызығын үшінші болып кесті.
Спортты дамыту дирекциясының баспасөз қызметі ұсынған мәліметке сүйенсек, аталған жарыста отандасымыз 1000 метрге жарысуда биылғы Бейжің Олимпиадасының чемпионы жапониялық Михо Такаги мен дәл осы қашықтықтағы қола жүлдегер нидерландық Антуанетта де Йонгке есе жіберіп, Әлем кубогі жарысының қола жүлдесіне қол жеткізді.
Надежда осыдан тура бір апта бұрын дәл осы Калгариде өткен Әлем кубогінің үшінші кезеңінде 1500 метрде мәре сызығын Михи Такагиден кейін кесіп, күміс жүлдені иеленген болатын. Қола медаль Антуанетта де Йонгке бұйырған еді. Әлем кубогінің бесінші кезеңі 2023 жылдың 10-12 ақпаны аралығында Польшаның Томашув-Мазовецкий қаласында өтеді.