Кеше Алматыдағы Балуан Шолақ спорт сарайында шахматтың рапид және блиц түрлерінен кезекті әлем чемпионатының жалауы желбіреді.
Биылғы додада әлемнің 50 елінен келген 250-ден астам шахматшы бақ сынап жатыр. Атап айтқанда, олардың қатарында әлем чемпионы Магнус Карлсен (Норвегия), вице-чемпион, Америка чемпионы Фабиано Каруана, фишер шахматы бойынша әлем чемпионы Хикару Накамура (АҚШ), әлем чемпионатының финалисі Ян Непомнящий (FIDE) бар.
Сондай-ақ Алматыдағы әлем чемпионатында Қазақстан құрамасынан Ринат Жұмабаев, Жансая Әбдімәлік (рейтингте 2496 ұпайы бар), Динара Сәдуақасова және рапидтен былтырғы әлем біріншілігінің жеңімпазы Бибісара Асаубаева (2440 ұпай) бас жүлде үшін сынға түседі. Шахматшылардың дүниежүзілік додасы 30 желтоқсанда аяқталады.