Қазақстандық боксшы Данияр Елеусінов Халықаралық бокс ұйымының нұсқасы бойынша жартылай орта салмақта әлем чемпионы атағынан айырылды, деп хабарлайды Egemen.kz.
Sports.kz нақтылағандай, 27 желтоқсандағы жағдай бойынша Данияр Елеусінов IBO сайтындағы әлем чемпиондарының тізімінен көрінбей қалған.
Сонымен қатар BoxRec.com порталы жазғандай, жартылай орта дивизиондағы чемпиондық белбеу бос деп саналады.
Данияр Елеусінов өзінің соңғы жекпе-жегін өткен жылдың 18 желтоқсанында Астанада өткізді, онда ол аргентиналық Хуан Эрнан Леалды (15-3, 4 КО) жеңген еді.