Таразда пластик шелектен шала туған нәрестенің мәйіті табылды. Полицейлер баланың анасын іздестіріп жатыр, деп хабарлайды Egemen.kz Polisia.kz Telegram-арнасына сілтеме жасап.
Полицейлердің мәліметінше, 29 желтоқсан күні сағат 11:30-да Тараз қалалық полиция басқармасының 2-полиция бөлімінің кезекші бөліміне Байзақ кентіндегі қоқыс жәшігінің жанынан пластик шелектен шала туған нәрестенің мәйіті табылғаны туралы ақпарат келіп түскен.
Оқиға орнына жедел-тергеу тобы дереу жеткен.
«Мәйіт Жамбыл облыстық мәйітханасына жеткізілді. Сот-медициналық сараптама тағайындалды. Баланың анасын анықтау бойынша жедел іс-шаралар жүріп жатыр», деп толықтырды полицейлер.