Футболдан Португалия ұлттық құрамасының ойыншысы, бес дүркін «Алтын доп» иегері Криштиану Роналду карьерасын Азия құрлығында жалғастырады.
Әдетте, футбол жұлдыздары Еуропадағы миссиясын аяқтағаннан кейін карьерасын АҚШ немесе Азия клубтарында жалғастырып жатады. Әлемнің ең танымал футболшысы Криштиану Роналду да өз таңдауын жасап, Азия футболында өнер көрсететін болды. Ол Сауд Арабиясының «Әл-Наср» клубымен екі жарым жылдық келісімшарт жасасты. Португалиялық футболшы жылына 200 млн еуро жалақы алады.
Айта кетейік, даңқты футболшы кезінде «Спортинг», «Манчестер Юнайтед», «Реал» және «Ювентус» клубтарында доп тепті. Ол былтырғы әлем чемпионатына дейін ағылшындық клубта ойнап, кейіннен командамен келісімшартын бұзған болатын.